Thursday, December 4, 2008

Svo sætur



Verð að setja inn mynd , þetta er svo sætt, fórum í afmælið hennar Maríu Mistar í oktober, gabríel heimtaði að pakka inn sjálfur, ekkert smá krúttlega pakkað :D

hin tönninn


Búin að vera voða löt að blogga en betra er seint en aldrei , langaði svo að setja inn aðra mynd af herra tannlausum...fyrri tönninn fór á laugardeginum og hin tönninn fór þriðjudeginum eftir, svo núna vantar tvær tönnsur í drenginn.

Sunday, November 2, 2008

Gabríel missir tönn


Jæja þá er litla barnið mitt hætt að vera lítið, búinn að missa tönn og er bara 4ra og hálfs árs, hin tönnin við fliðiná er laflaus og fer líklega í dag eða á morgun. Auðvitað verður að setja inn mynd af krúttinu og setja á netið. Þegar hann sýndi mér tönnina þá spurði hann hvort hann yrði núna eins og Adam :)

Thursday, September 11, 2008

Nýjustu bókafréttirnar

Ég er komin með skrifkrampa , búin með öll reikningseyðublöðin, búin með innpökkunarpappírinn og límrúlluna..... er alveg að springa úr hamingju yfir þessu og er farin í bæinn að kaupa meiri blöð, það bíða yfir 25 pantanir á emailinu hjá mér :) og klukkan er bara 10.... hvernig verður þetta í kvöld hmmm!

Wednesday, September 10, 2008

Sandblástursfilmur


Jæja þá er maður kominn með sandblástur í 3 glugga, sem sagt baðherbergi, þvottahús og útidyrahurðina. Ég er svo hamingjusöm yfir þessu að ég labba krókaleiðir um allt hús til að horfa meira á þetta, ég veit sjúkt hehe. þá á bara eftir að gera litla baðherbergið og smá rönd neðst í gluggana í svefnherbergjunum og í tvo glugga í stofunni, óli er búinn að gera fyrir tölvuherbergið, það á bara eftir að smella því í :D

Ég keypti geðveika ljósakrónu (yfir borðstofuborðið) sem kostaði ekki krónu haha fattaði að ég átti unik inneign og rúmlega það... það á eftir að setja hana upp, það þarf að lengja snúrurnar í henni en ég bíst við að hún fari upp áður en snúrurnar verða lengdar, bara útaf því að ég hef enga þolinmæði fyrir að bíða.

Salan á bókinni gengur alveg svakalega vel og það er bara dagur 2...... líka löngu kominn tími á að losna við þennann minnisvarða úr bílskúrnum hjá mér.

hérna eru myndir af filmunum, klikka á myndirnar til að stækka og endilega commenta ef ykkur finnst flott, en ef ykkur finnst ljótt þá megiði senda óla póst ...iiiii

Monday, September 8, 2008

Bókin mín

Er þessa dagana að bjóða bókina sem bekkjarsett í skólum, það er mjög vel tekið í það og sé ég framá að þurfa að panta 5000 eintök í viðbót...........iiii djók. ég hef síðan boðið kennurum og fleirum sem hafa áhuga á að kaupa nokkur stykki í einu afslátt, ein bók er á 1500kr en nokkrar 1200kr stk. þar sem sumir hafa ekki séð bókin ákvað ég að setja hana hérna á bloggið svo að þeir sem hafi áhuga geta séð hvað þetta er vönduð og flott bók.

Einelti finnst alls staðar og er hún því þörf hvar sem er, heima , skólum og leikskólum. Fullkomin afmælis eða jólagjöf.

Fínt að hafa lager heima hjá sér ef barninu er skyndilega boðið í afmæli.... vá ein að selja hehe

Áhugasamir geta haft samband með maili harpilius@simnet.is eða í síma 8993916 Kveðja Harpa

Tuesday, September 2, 2008

Gullkorn



Gabríel var að hætta seinasta föstudag í leikskólanum í Hafnarfirði, honum langaði ekkert að fara seinasta daginn því hann var svo spenntur að byrja á nýja staðnum. Hann var sannfærður til þess að fara því að við sögðum að hann yrði að mæta einu sinni enn, hann væri ekki búinn að segja bless við fóstrurnar og krakkana, hann var samt ekkert sáttur við að þurfa að mæta, en fékk engu að ráða um það. Á föstudags morgun fór Óli svo með hann í leikskólann, Gabríel labbaði beint að hurðinni inní stofuna sína, opnaði ÖSKRAÐI inn " ég er hættur í leikskólanum, BLESS" og skellti hurðinni, sagði svo pabbi förum.

Wednesday, August 20, 2008

undanfari og framundan

ó mæ god.... var að fatta að ég er ekkert búin að blogga og ekki búin að setja neinar myndir frá verslunarmannahelginni, það er ekki eins og ég sé uppiskroppa á efni, það er sko nóg að gera og dagskrá framundan, er til dæmis að fara í stelpuferð með skrappstelpunum við verðum allavega 25-30 og svo er reunion framundan líka.... bæði mjög spennó.

þessa dagana er allt í gangi, óli er búinn að vera að grafa garðinn í tætlur og núna er sko alvaran komin í pallin, það verður komin grind áður en maður veit af. í morgun byrjuðu 2 gaurar að flísaleggja stóra baðherbergið hjá mér, get ekki beðið .... það verður gott að losna við baðinnréttinguna úr svefnherberginu.

í næstu viku verður dregið síðasta rafmagnið sem var stíflað svo þá er það búið og við fáum ný útiljós (hin voru gölluð) svo strax og baðherbergið er búið þá kemur smiðurinn og gerir loka vinnuna, sem sagt, það verða settar auka hillur í alla skápa og betra skipulag, smá vinna sem gleymdist verður kláruð.

ég er búin að kaupa málningu og er komin með fullt af hugmyndum, ætla að byrja á að taka Adams herbergi í gegn á meðan baðherbergið er í vinnslu og svo um leið og plássið losnar í mínu herbergi þá verður sko öllu umturnar, þetta verður geggjað, frábær lausn .... ég ætla ekki að segja of mikið, ég set bara seinna fyrir og eftir myndir.

svo er eitthvað mjög líklega að fara að gerast í bóka málunum mínum, ætla heldur að segja ekkert of mikið um það, nema að ég á eftir að verða mjög rík og "fræg" ef planið gengur upp, allt í vinnslu þar.

jæja, nenni ekkert að fara í ferðasöguna um verslunarmannahelgina, það alla vega rosalega gaman og við vorum öll mjög sátt við þessa helgi, set bara nokkrar myndir, enda tala þær sínu máli sko.....

Wednesday, July 30, 2008

Míla í Hvaleyrarvatni

Æðislegur dagur





Við , Adam, Gabríel, Mamma, Lovísa, Venus, Ég og Míla fórum á Hvaleyrarvatn í dag, skaðræðisblíða eins og mamma orðar það. vonum eftir alveg eins veðri á morgun :)

Adam og Gabríel fóru varla uppúr vatninu og Míla var svo svakalega ánægð, það var æði að sjá hvað hún skemmti sér vel, tókum nokkur flott vídéó af henni.

Ef þetta er ekki paradís hvað er það þá, ég meina Nauthólsvík hvað? það voru nokkur þúsund manns í Nauthólsvík í dag, ætli það hafi ekki verið um 100manns á hvaleyrarvatni, þvílíkt næði og krakkarnir höfðu nóg að gera, sumir voru með uppblásna báta og háf að veiða sílí.

og auðvitað vorum við með nesti með okkur ;)

Monday, July 28, 2008

Selvogsgatan 32km 18-19júlí

Ég er svoldið löt við að blogga, þegar ég bloggaði um fimmvörðuhálsinn þá var ég nýkomin af selvogsgötunni en fannst hálf asnalegt að sleppa úr ferð svo ég bloggaði um hálsinn fyrst og svo núna kemur selvogs-sagan. (Það vantar myndir frá föstudeginum, set þær inn seinna eftir að ég fæ afrit frá Clöru)

Á föstudeginum lögðum við af stað frá 10-11 í hafnarfirði og gengum uppá bláfjallaveg. Helga , Lovísa , Clara , mamma og ég.... við ákváðum að athuga hvernig væri að bera mikla þyngd svo að ég og clara fyltum pokana okkar, ég var með stóra nýja bakpokann minn sem er ætlaður í 4ra daga ferðir. pokinn hjá mér hefur verið um 20kg. þyngdin var ekki erfið pokinn er góður og hann leggst á mjaðmirnar þannig maður finnst maður ekki beint vera að bera neitt, því hann togar ekkert í axlirnar. aðal vandamálið hjá mér í þessari ferð voru skórnir mínir, á fimmvörðuhálsi notaði ég Óla skó, þeir eru miklu betri, mínir eru frá sama fyrirtæki og áttu að vera eins nema með einhverjum auka fítusum, eins og ég get smellt á þá ísklifurbúnað, það átti sem sagt ekkert að hafa áhrif á þá innan í.... anyways, þeir eru langt frá því að vera eins og sama hvað ég geng í þeim , þá skána þeir ekkert, ég fæ líklega að skila þeim. ég er nýbúin að kaupa gel innlegg sem ég hélt að myndi skipta sköpum en það gerði ekki mikið fyrir mig, eftir 2ja tíma göngu þá skipti ég yfir í daglegu skóna mína, það var ekkert skárra þannig séð því að botninn er svo mjúkur að maður fann verulega fyrir hrauninu.

þessi partur tók 4 klukkustundir, pabbi sótti okkur auðvitað.

Á laugardeginum þá gengur mamma , Lovísa , Helga , Berghildur , Adam Dagur , Ísak Lúther og Ég ofcourse :) Clara nennti ekki......reyndar er þessi blessaða Selvogsgata ekki neitt útsýni til að hrópa húrra fyrir, en ég er samt búin að ganga þennann part 4 sinnum með mömmu og hinn partinn 2 sinnum. Ísak og Adam voru virkilega þreyttir og drógu svoldið úr okkur, þessi leið hefur yfirleitt tekið sirka 4 klukkutíma og korter en í þetta skiptið vorum við 5 og hálfan tíma....

þar sem að ég var með smá sár eftir skóna síðan deginum áður þá voru þessir klukkutímar ekkert sérlega þægilegir, en viðræðurnar á leiðinni bættu það allt upp, gaman að ganga með skemmtilegu fólki.

Á leiðinni þá börðumst við við það að finna nafn á hópinn, það voru komnar nokkrar tillögur, brekkusniglarnir (Helga), fjallageiturnar (Ég), afturgöngurnar (Týri) og göngugrindurnar (Lovísa). á tímabili spáðum við í því að hver fengi bara sitt nafn en Lovísa var ekki alveg sátt við að göngugrindin yrði þá föst við hana.... en halló er skárra að vera geit? hahaha

En auðvitað Fann ég nafnið á hópinn :) maður verður nú að eigna sér heiðurinn af einhverju :D

hópurinn fékk Nafnið "Gengið" þeir sem ganga með verða auðvitað að vera gjaldgengir til að vera með, Ég er Evra, Helga Líra, Lovísa er Dönsk króna og mamma auðvitað Dollar, það var nú séð fyrirfram að hún var búin að eigna sér réttinn á því útaf öllum USA ferðunum. Berghildur er Ferðatékki þar sem hún var gestkomandi í hópinn. ísak er skiptimynt og Adam smápeningur.

Líran og Danskakrónan tóku smá sprett uppá við en í enda ferðarinnar féllu öll gengin samtímis niður. Bankastjórinn og þjónustufulltrúinn (pabbi) sótti okkur ofcourse og keyrði okkur í hjólhýsið hennar Jónu systur hans pabba, þar biður gúmmítékkinn (Týri) og yfirdrátturinn (Óli) ásamt sparibaukunum (Tinnu og Ástþór)og aurapúkinn (Gabríel). þar var grillað og um nóttina gistum við, þessi ferð var algjört æði í alla staði og krakkarnir skemmtu sér rosalega vel.
ákváðum fyrir hönd Clöru að hún yrði peseti þar sem peseti er ekki í notkun lengur hahaha

Daginn eftir fórum við að skoða Strandarkirkju og Vitann .... fórum uppí vitann vitandi að handriðið uppi væri ótraust og börnin á okkar ábyrgð. (hefði ég vitað að börnin mín væru á mína ábyrgð þá hefði ég kannski hugsað málið fyrir 12 árum síðan hahaha) ég var svo lofthrædd að um leið og ég var komin upp og út þá dreif ég mig niður aftur.... ekki sniðugt að vera þarna í rigningu eða snjó, því gólfið hallaði útá við... strandakirkja er rosalega flott, skemmtileg saga á bakvið hana, en svakalega sorglegt að sjá öll leiðin fyrir utan, meirihlutinn af leiðunum voru börn. En þarna voru foreldrar afa míns jörðuð, mjög gaman að hafa skoðað þennann stað.

á laugardeginum var æðislegt veður heiðskýrt og 25 stiga hiti á sunnudeginum var aðeins þyngra yfir og við vorum svo heppin að það byrjaði ekki að rigna fyrr en á leiðinni heim.

Monday, July 21, 2008

þvílíkar gáfur :)


Ég var að tala við mömmu í símann í dag og Gabríel var alltaf að reyna að tala eitthvað við mig, ég bað hann um að bíða á meðan ég væri í símanum, hann hélt áfram að spurja þar sem hann hefur nákvæmlega enga þolinmæði og ég hélt áfram að segja bíddu, ég er að tala við ömmu, þá segir
Gabríel : má ég tala ömmu,ég rétti honum símann, hann "amma þú verður að bíða mamma þarf að setja mynd" og hann réttir mér símann aftur.

talandi um snilld .... hvaða barn ný orðinn 4ra ára dettur svona í hug :) barnið mitt er bráð gáfað :)

Sunday, July 20, 2008

Fimmvörðuháls

10 júlí fórum við systurnar og mamma á Fimmvörðuháls.

mamma var búin að segja að sú ganga tæki frá 6 til 8 tímum, færi eftir hraða. Ég ætla að byrja á að taka það fram að það voru sko engar 5 vörður á leiðinni, man meira að segja ekki eftir neinni, á leiðinni sáum við reyndar 2 minnisvarða um fólk sem hafði dáið þarna og ótrúlegt en satt skilti eftir 4ra tíma labb um að hundar væru bannaðir nema í bandi, full seint .... æj ég gleymdi bandinu útí bíl, ég skokka bara og næ í það ... hmmm

Dagurinn byrjaði þannig að ég vaknaði klukkan 6:00 því Helga ætlaði að sækja mig um 7 leitið og ég átti eftir að vekja Gabríel og taka til smá dót, við ætluðum í seinasta lagi að vera komnar til mömmu og hálf átta leitið, klukkan hálf átta kom Helga til mín, við stoppuðum á bensínstöðinni því Helga átti eftir að borða morgunmat. Við vorum komnar til mömmu 7:50 munaði svo sem ekki miklu. planið var að vera komin uppað skógum og byrja að labba klukkan 10.... þá ættum við að geta grillað klukkan 4 - 5 sirka. við lögðum af stað gangandi klukkan 10:45 eftir að Helga keypti sér eina samloku í nesti. Lovísa og mamma voru með sitthvora samlokuna, en ég var með jafn margar og þær til saman :) stundum borgar sig að vera bolla hehe ég var líka með 2 prinspóló og pakka af Tópas, enda var ég sko besta vinkona þeirra.... í staðinn verður mér boðið í afmælið þeirra HAHAHA


fyrstu 2 klukkutímana sáum við ábyggilega hátt í 15 fossa, allir alveg geðveikt flottir og stórir að maður þorði varla að kíkja niður þetta var svo langt niður. eftir það var þetta eiginlega bara the same shitt all over again..... bara grjót og fjöll, þegar við vorum búnar að labba í 4 klukkutíma þá bilaði Helga í bakinu og hnénu, ég var farin í annarri löppinni, Lovísa farin í báðum löppunum en gamalmennið var alveg heilt enda öllu vön, á þessum tímapunkti vorum við farin að labba nokkuð hægt vegna meiðsla enda vorum við búnar að ganga upp og niður, upp og niður, upp og niður, endalaust og eftir að komast á eitt fjall þá bættist bara við annað og annað og annað, maður var farin að öskra NEI!!!! ekki annað!!!! á hverjum hólnum á fætur öðrum, við fórum að spurja útlendinga á leiðinni hvaðan þeir kæmu (sem sagt frá skálanum í miðjunni eða þórsmörk) til að vita sirka hvað það væri langt í þórsmörk, niðurstaðan var sú að það væru 6 KLUKKUTÍMAR eftir, við trúðum þessu ekki, það átti að vera heildartími ferðarinnar og við vorum búnar með fjóra! svo við spurðum hvort þau hefðu gengið hratt eða hægt og stoppað stutt, lengi eða oft, það var alveg sama hvað við mættum mörgum, þetta var víst tíminn sem var eftir..... ég var farin að skilja þegar lengra leið á ferðina, þegar fólk sturlast og drepur ferðafélaga sína, þær voru samt mjög þægar tek það fram :) um það leiti vorum við að spá í að hringja á þyrlu en því miður vorum við ekki í símasambandi, mig vantaði einmitt góða afsökun til að láta langþráðan draum um þyrluflug rætast en mér varð ekki að ósk minni.... það var tími til að taka gott stopp og jafna sig aðeins, við stoppuðum hjá neyðarskálanum og söfnuðum kröftum áður en við héldum áfram, það munaði sko helling...ég held ég hafi kvartað mest en þær segjast ekki hafa tekið eftir kvartinu fyrir kvartinu í sjálfum sér, mamma kvartaði ekkert fyrr á bráðhættulega lífshættukaflanum síðustu 3 tímana. fyrri hlutan af ferðinni sagði hún þegar við kvörtuðum sko NÆST tökum við meira nesti með og..... við fljótar að svara "það verður ekkert næst" þar sem okkur fannst ekki alveg við hæfi að ræða það að fara þessa leið aftur á meðan við vorum allar í kvölum og það eina sem komst að í hausnum á okkur var að komast til byggða.... en eftir lífshættukaflan sagði mamma ég fer aldrei aftur Fimmvörðuháls.

þegar við vorum búnar að labba í 7 klukkutíma þá sáum við niður í þórsmörk og "ákváðum" að það væri bara klukkutími eftir og þar sem fólkið á leiðinni var búið að tala um 8 til 10 tíma ferð, þá hugsuðum við "nú við náum þessu bara á methraða, við tökum þetta á 8 tímunum" hefðum ekki geta haft meira rangt fyrir okkur! á leiðinni niður fjallið á parti glerhálft, sléttur steinn með sandi ofaná, það var ekki hægt að hlaupa niður og ef maður mistígur sig og rennur þá er ekkert sem stoppar mann, engin grjót að lenda á.... bara nokkur hundruð metra fall, við vorum jú í eins kílómeters hæð. við fengum nú samt besta veður sem hægt er að fá, getum ekki kvartað undan því, það var alveg stuttbuxna veður og við vorum að ganga á milli mýrdalsjökuls og eyjafjallajökuls. landslagið síðustu 3 klukkutímana var alveg æði, en fyrir mér þá mátti ekkert klikka, fyrsta "lífshættan" fyrir utan hungrið, það var að við þurftum að "nánast hanga" í keðjum meðfram kletti, það var smá björg fyrir lappirnar og svo brjálað fall niður.... svo kom smá kafli sem leit út eins og pönnukaka og það var eini slétti kaflinn í ferðinni, sem var síðan ekkert sléttur þegar þangað var komið, grjóthnullungar á við tennisbolta til brennibolta þöktu svæðið. síðan tók við litlir moldarstígar og mölstígar með þvílíkri hæð niður öðru meginn, það komu nokkrir fleiri kaflar þar sem við þurftum að hanga í keðjum og þykkar gúmmíteigjur sem við prönguðum niður "kletta" , svo leit út fyrir að vegurinn endaði allt í einu og hvorugu meginn hægt að fara, þá þurftum við að klifra uppá klettahrygg og það var sko langt niður BÁÐU meginn og ekkert til að halda sér í!! hvorki keðja né band :( þessi kafli var reyndar bara 15 til 20 metra langur... á þessum tímapunkti er maður reyndar orðinn svo þreyttur að það er auðvelt að missa jafnvægi, allt vatnið var búið, maturinn var búinn og við systurnar allar slasaðar... en þetta tókst og við fórum þetta á 9 klukkutímum og 45 mínútum.

Pabbi sem hafði skultlað okkur að Skógum beið ásamt venusi og Gabríeli í þórsmörk og grillaði ofaní okkur fatlafólin því við gátum varla labbað eftir þetta ævintýri, maturinn sem átti að vera um 4-5 leitið varð ekki fyrr en hálf ellefu um kvöldið. Gabríel skemmti sér konunglega með bíðaranum (pabba) þeir keyrðu í vatninu báðum til mikillar skemmtunar, erfitt að segja hvor var spenntari fyrir því afinn eða barnið.

við erum búnar að skoða yfir myndirnar og tala helling um ferðina og erum ákveðnar að fara aftur, þessi leið verður líklega árlegur fjölskylduviðburður. en ótrúlegt að það er fólk sem er að fara með börnin sín þessa leið!!! ég er bara ekki að ná því! ferðin eftir á að hyggja var æði, maður er fljótur að gleyma erfiðinu og geymir góðu minningarnar. Svona litum við nú vel út eftir daginn :D enda vorum komin heim rétt fyrir 1 um nóttina ;)

Á vef ferðafélagsins... http://www.fi.is/gonguleidir/fimmvorduhals/
er lýsing gönguleiðarinnar svona: Fimmvörðuháls
Skógar-Þórsmörk (Fimmvörðuháls á milli Eyjafjalla- og Mýrdalsjökuls)

Vegalengd 22 km, áætlaður göngutími um 9 klst., lóðrétt hækkun/lækkun 1000m. Leiðin liggur frá Skógum undir Eyjafjöllum, milli Eyjafjalla- og Mýrdalsjökuls, yfir til Þórsmerkur. Hér er um að ræða eina allra vinsælustu gönguleið á Íslandi en e.t.v. þá viðsjárverðustu sakir snöggra breytinga sem geta orðið á veðri á hvaða árstíma sem er. Það getur verið blítt og stillt veður á láglendi en þegar komið er upp á háhálsinn getur skollið á svarta þoka svo að ekki sér handa skil. Á leiðinni eru tveir skálar, annar í eigu Eyfellinga og hinn í eigu Útivistar.



Vegalengdin er 22-24 kílómetrar í loftlínu en samkvæmt göngumæli Helgu.... þá eru það 31,7 kílómetrara að fara upp og niður og upp og niður. Fimmvörðuháls átti eiginlega að vera undirbúningur fyrir Laugaveginn sem tekur 3 daga að labba og er 55 kílómetrar í loftlínu, fimmvörðuháls er víst bara paradís miðað við laugaveginn, sem er víst ennþá meira upp og niður, en er þó ekki eins hættulegur, við erum allar ákveðnar í því að kíla á Laugaveginn og erum búnar að vera að gíra okkur upp fyrir það undanfarna daga, ég búin að kaupa mér regnbuxur og risa bakpoka fyrir lengri ferðalög og búin að fara prufuferðsem tók 4 klukkutíma með pokann níðþungan til að athuga hvernig er að bera svona mikla þyngd, það gekk fínt, þarf bara að athuga skómálin hjá mér og þá ætti ég að vera tilbúin. það eru nokkrar æfingaferðir planaðar til að undirbúa the BIG TRIP en það eina sem kemur kannski í veg fyrir að við komumst þetta sumarið er það að, það er óvíst að við náum að fá pláss í skálunum á laugaveginum, það er meira og minna uppselt!


Að lokum myndir af skiltu fræga ;)


Sunday, July 6, 2008

Helgafell 5 júlí

Fórum öll saman með mömmu og wísem vini ísaks, það var svaka gaman, Gabríel kom með og bjuggumst við við því að þurfa að halda eitthvað á honum en það var eiginlega ekki neitt, smá á leiðinni niður, myndirnar af honum eru allar frekar spes þetta er nýja "brosið" hans hahaha hann skiptir um hlátur reglulega (án gríns) fer bara eftir hvað honum finnst fyndið hverju sinni, þetta er sem sagt nýja brosið :D

Thursday, July 3, 2008

Nýji fjölskyldu meðlimurinn


Er tíkin míla, eftir langa umhugsun fékk hún þetta nafn, enda þurftum við að fara ansi margar mílur til að sækja hana, hún kemur frá dalvík og keyrði ræktandinn á móti óla og ísak sem fóru saman að sækja hana til blönduós. hún var fljót að eigna sér bælið hennar kisu.
Míla er ljúfasti hundur sem ég hef hitt og flestir ef ekki allir tala um það þegar þeir sjá hana.

Thursday, June 12, 2008

Baðherbergið


Erum í þessu skrifuðu orðum að taka flísarnar af baðherberginu , þetta var svo illa gert hjá þessu fí**um að það eru ekki til nógu mörg orð til þess að lýsa því, þarf vart að taka það fram að þeir voru reknir, en það er samt einn kostur við það að þetta var svona illa gert, flísarnar hreinlega duttu af í heilu lagi með engu lími aftaná þeim eða neitt (það brotnuðu örfáar flísar), þurfum ekki að hreinsa flísarnar eða neitt, getum bara skellt þeim upp aftur, en allt límið í tonnavís (ok kannski pínu ýkt) er á veggnum, límið á veggnum er 1 og hálfur til 2 cm og þarna í gluggakistunni er 3-4 cm ákvað að setja hérna inn mynd af öllu líminu.

Það er hægt að klikka á myndirnar til að stækka þær og sjá betur en límið er svo svakalega mikið að ég held að stækkun sé óþarfi. gifsveggurinn er ónýtur, við erum búin að rífa ytri plöturnar af, þær innri eru í lagi og óli er í þessum skrifuðum orðum að höggva límið af steinveggnum, en við sjáum allavega fyrir endann á þessu núna....

En sem betur fer borguðum við þessum gaurum ekki, þeir ætluðu að rukka okkur 200.000 fyrir að eyðileggja baðherbergið og við vorum hörð á því að þeir fengju ekki krónu, þetta fór í intrum í innheimtu en að lokum eftir að matsmaður var búinn að kíkja á þetta, þá felldu þeir skuldina niður :)enda er ég sko ekki að fara að borga fyrir svona hræðilega vinnu, upphaflega voru þeir nú reknir vegna þess að þeir gerðu allt rangt sem hægt var að gera rangt, þeir settu upp brotnar flísar, byrjuðu á vitlausum stað, þeim var greinilega alveg sama hvernig þetta liti út á endanum og sögðu þegar við kvörtuðum að öll þessi brot og göt myndu bara hverfa á fúguna, verð að skella einni svoleiðis mynd með líka. vá ég á svo margar myndir af öllum þessum mistökum að ég gæti sett inn allavega 20 myndir og ræðan væri endalaus, læt þetta bara nægja í bili allavega :)

Wednesday, May 14, 2008

þríhöfða fífill






ísak fann þennann þríhöfða fífil á leiðinni heim úr skólanum, merkur fundur :)

Ísak boxar


Ég keypti Wii Nintendo tölvu um daginn sem er algjör snilld, fyrir nokkrum árum hefði maður ekki grunað að maður ætti eftir að fá harðsperrur af því að spila tölvuleik. þessi talva er svo að slá í gegn á heimilinu að það er æðislegt. ísak finnst gaman í boxi og það er engin smá áreynsla.... læt fylgja með mynd því til sönnunar :) ég spurði hann svo eftir á hvenær hann hefði seinast svitnað svona mikið og svarið var "mamma ég hef aldrei svitnað"

Sunday, May 11, 2008

Goggur


þessi mynd er nú ekki nýleg, var bara að skoða albúmið og rakst á hana, fannst svo sætt að gabríel gerði gogg í leikskólanum og sofnaði með hann á sér á leiðinni heim úr leikskólanum :) svo krúttlegt!

Thursday, April 24, 2008

Fyrsta tvíhjólið

Gabríel fékk hjól með hjálpara dekkjum og hjálm í stíl, auðvitað er þetta Cars hjól og Cars hjálmur, það æði á seint eftir að dvala þar sem barnið er bíla sjúklingur. hér er hann í fyrstu hjólaferðinni sinni, rosa stoltur og montinn :)

Wednesday, April 9, 2008

Sofið í kassa




Gabríel spurði í gær hvort hann mætti sofa í kassanum undan nýju steikarpönnunni, ég sagði já því að kassinn er það lítill að ég hélt honum myndi ekki takast það og myndi gefast upp fljótlega, en neinei hann beið þolinmóður í kassanum með sængina sína þar til hann sofnaði :) bara sætt, hann rumskaði og skipti um stellingu en datt ekki í hug að færa sig inní rúm.